Бэс ыйын 24- атырдьах ыйын 30 күннэригэр Дьокуускайга аҕа саастаах дьону буор-босхо көмпүүтэр сатабылларыгар үөрэтиэхтэрэ. Бу туһунан инновация министиэристибэтин пресс-сулууспата иһитиннэрэр.
Бу кыра болдьохтоох үөрэххэ ХИФУ математика уонна информатика институтун «IT-старт» устудьуоннар этэрээттэрин чилиэннэрэ уһуйуохтара.
Үөрэх бырагырааматыгар көмпүүтэргэ сүрүн үлэлэри, Интэриниэти хайдах туһанары, Word, Excel, Power Point бырагыраамалары, итиэннэ судаарыстыбаннай өҥө порталын хайда туһанары киллэрбиттэр.
“Биэнсийэлээхтэргэ урукку сылларга ыыппыт куурустарбыт былдьаһык этэ. Маннык үөрэх аҕа саастаах дьон көмпүүтэри баһылыылларыгар уонна олоххо туһаналларыгар олус туһалаах. Холобур, бу кууруһу бүтэрбит саастаах дьон бэйэлэрэ поликлиникаҕа хайдах интэриниэтинэн суруйтарарга, саайт уонна мобильнай сыһыарыы нөҥүө судаарыстыбаннай уонна муниципальнай өҥөннөн туһанарга үөрэммиттэрэ”, — диир миниистири солбуйааччы Николай Гришаев.
Бир куурус 5 күн устата барар. Үөрэх бэнидиэнньиктэн бээтиниссэҕэ дылы сарсыарда 10 ч. күнүс 12 ч. диэри Киров уул., 18 В блок ыытыллар.
Босхо кууруска суруйтарарга уонна сиһилии иһитиннэриини ыларга үлэ кэмигэр 39-82-17 төл. билсиҥ.
