Уус Майда улууһугар улуус кииниттэн Петраповлавскайга диэри оптуобус сырыыта саҕаланна. Бу туһунан тырааныспар уонна суол хаһаайыстыбатын минристиэристибэтин пресс-сулууспата иһитиннэрэр.
СӨ Тырааныспарга уонна суол хаһаайыстыбатыгар миниистирин солбуйааччы Сергей Владимиров Уус Майда улууһун олохтоохторун кытары көрүстэ. Ол түмүгүнэн кэккэ боппуруостары быһаардылар диэн “СӨ массыына суолун Управлениета” ГКУ иһитиннэрэр.
Көрсүһүү түмүгүнэн, улуус дьаһалтата бүгүҥҥүттэн ыла Уус Майда-Петропавловскай хайысханан оптуобус сырыытын үлэлэттэ. Онуоха анаан улуус бүддьүөтүттэн 1,3 мөл. солк. субсидия көрүллүбүт. Оптуобуһу анал лиссиэнсийэлэх “Казаков” ИП үлэлэтэр. Уус Майдаттан Петропавловскайга диэри ыйга 2-4 төгүл суолу тэҥниир үлэ ыытыллыаҕа.
Маны таһынан, быйыл сыл аайы уу быһар суолун (1 км) хапытаалынай өрөмүөнүн бырйыактааһын саҕаланыа.
Маны сэргэ, көрсүһүү кэмигэр Уус Майдаттан Дьокуускайга диэри сөмөлүөт сырыытын уонна Петропавловскайы тупсаран оҥоруу боппуруостарын көрдүлэр.
