“Полярные авиалинии” ааҕыныстыба Усть Нера бөһүөлэгэр саҥа авиакассаны арыйда. Бу туһунан хампаанньа пресс-сулууспата иһитиннэрэр.
“Биһиги хампаанньабыт “Якутия”, “Сибирь”, “Аэрофлот” курдук бөдөҥ авиахампаанньалары, Тырааныспар клиринговай палататын кытары быһа дуогабардаах үлэлиир. Инньэ гынан бу хампаанньалар көтөр хайысхаларынан барытыгар авиабилиэти атыылыыр бырааптаахпыт. Маны таһынан, чэчпэчтиилээх билиэттэри эмиэ атыылыыр кыахтаахпыт”, - дииллэр.
“Полярные авиалинии” иһитиннэрбитинэн, ааҕыныстыба сервискэ хомуйар өҥөтө атын авиакассалардааҕар быдан чэпэчики буолар. Маны таһынан, ааҕыныстыба эрдэттэн билиэти уурдарыы, атыылаһыы иһин 30%-ҥа дылы чэпчэтии көрөр кыахтаах. “Полярные авиалинии” Саха сиригэр 36 билиэти атыылыыр кассалаах.
