Саха сиригэр тыа хаһаайыстыбатын сайдыытыгар туһуламмыт хаһаайыстыбалары үбүнэн чэбдигирдэр бырагыраама кыттыылаахтарын талыыга киритиэрий арыый судургутуйан биэриэҕэ. Бу туһунан Ил Дархан уонна бырабыыталыстыба пресс-сулууспата иһитиннэрэр.
“Өскөтүн билигин бу бырагыраамаҕа киирсэргэ тэриллиилээх хаһаайыстыбалар 100 төбөлөөхтөрө ирдэнэр эбит буоллаҕына, эһиилгиттэн 25 ыанар ынахтаах хаһаайыстыбалар бу көмөнү ылар кыахтаныахтара. Барыллаан ааҕыы быһыытынан, ити Саха сирин ыанар ынаҕын 10 бырыһыана. Инньэ гынан, бу чахчы туһалаах судаарыстыбаннай көмө буолуоҕа” , — диир Айсен Николаев.
Ил Дархан маннык уларытыылар Саха сирин тыатын хаһаайыстыбатын сайыннарыыга сүҥкэн өҥөлөөх буолуоҕа диир.
