2004 сыллаахха балаҕан ыйын 1 күнүгэр Беслан оскуолатын террористар үс күнү быһа туппуттара. Манна 334 киһи, 318 тутуллубут дьон, олор истэригэр 186 оҕо тыына быстыбыта. Ол кэмтэн ыла номнуо 15 сыл ааһа оҕуста.
Беслан оскуолата федеральнай суолталаах пааматынньык статуһун ылыан сөп диэн, “Матери Беслана” кэмитиэт бэрэссэдээтэлэ Анетта Гадиева иһитиннэрдэ. Ону таһынан, бу кэмитиэт эрэгийэннэргэ хаартыска быыстапкатын тэрийэр эбит. Ол курдук, Хотугу Осетияҕа, Кабардино-Балкарияҕа ыытыллыбыт. Инникитин Карачаево-Черкесияҕа, Дагестаҥҥа, Москваҕа, Санкт-Петербурга буолара былааннанар. Астрахань, Крым, Новосибирск, Пятигорск куораттартан этиилэр киирэллэр диэн Анетта Гадиева кэпсиир.
Террористар тыһыынчаттан тахса киһини оскуола успуорт залыгар тутан олорбуттара. Олор истэригэр кыра оҕолор бааллар этэ. Оннук күүстэринэн үс күнү быһа уута, аһа суох тутан олорбуттара.
