Дьааҥы улууһун Баатаҕай бөһүөлэгэр балыыһа комплекса тутуллар. Бу туһунан Үүнэр көлүөнэ пуондата иһитиннэрэр.
Тутуу сыаната 700 тахса мөл солк тэҥнэһэр. Икки этээстээх эбийиэк уопсай иэнэ 3157,98 кв.м. Манна терапевт, оҕо салаата уонна поликлиника баар буолуоҕа. Доруобуйаларыгар хааччахтаах дьон холкутук сылдьалларыгар толору хааччыллыылаах буолуоҕа. Саҥа комплексы “Атлант” ХЭУ тутар. Билиҥҥи туругунан тутуу 59,6% бэлэм. Түөрт биригээдэ үлэлии-хамныы сылдьаллар. Сыл саҥата кыһыҥҥы суолунан тутуу матырыйаала 100% кэлбит. Комплекс 2020 сыл балаҕан ыйын 30 күнүгэр үлэҕэ киирэрэ былааннанар.
