Уу суола сабыллан “Полярные авиалинии” авиахампаанньа Дьокуускайтан Аллараа Бэстээххэ диэри Ми-8 бөртөлүөтүнэн дьону уонна таһаҕаһы туоратар эриэйсэлэри оҥоруо. Бу туһунан хампаанньа пресс-сулууспата иһитиннэрэр.
Эриэйсэлэр Маган – Манньыаттаах былаһаакката – Маган (дьону таһыы) уонна Хатас – Манньыаттаах былаһаакката – Хатас (таһаҕаһы таһыы) маршрутунан оҥоһуллуохтара.
Хампаанньа хамыыһыйата Манньыаттаахха уонна Хатаска түһэр былаһааккалары көрдө. Ол түмүгүнэн федеральнай авиационнай быраабылаларга уонна Ми-8 бөртөлүөт түһэригэр эппиэттииллэр.
Маган — Аллараа Бэстээх хайысханан билиэт сыаната дьоҥҥо 4300 солк, оттон 1 кг таһаҕас – 40 солк.
Билиэттэри Манньыаттаах былаһааккатыттан уонна Маган аэропордугар “Полярные авиалинии” кассатыттан атыылаһыахха сөп. Биир киһиэхэ 20 кг ыйааһыннаах таһаҕас босхо буолар.