Бүгүн, сэтинньи 29 күнүгэр РФ Бырабыыталыстыбатын бэрэссэдээтэлин солбуйааччы – РФ бэрэсидьиэнин Уһук-Илиҥҥэ боломуочуйалаах бэрэстэбиитэлэ Юрий Трутнев уонна Ил Дархан Айсен Николаев, Өлүөнэни туоруур күргэ тутуллуохтаах сирин көрдүлэр.
Өлүөнэ күргэтэ “Бүлүү”, “Халыма”, “Лена” федеральнай суоллары ситимниэхтээх. Айсен Сергеевич күргэ тутулуннаҕына хоту улуустарга таһаҕаһы тиэйии ороскуота 4,1 млрд солк түһүөҕэ диэн бэлиэтээтэ.
Күргэ икки балаһалаах, 3,12 км уһуннаах, сууккаҕа 5 800 тыһ диэри массыына айанныыр буолуоҕа.
Юрий Трутнев күргэ тутуутугар кыттыан баҕалаах инвестордар туһунан ыйыталаста. Ону таһынан, өрөспүүбүлүкэ дьаһалтатыгар бүтүн Уһук Илиҥҥэ улахан суолталаах бырайыагы олоххо киллэрэллэригэр ситиһиилэри баҕарда. Күргэ олоххо киирэригэр эрэллээҕин эттэ.
news.ykt.ru/ хаартыската
