Бүгүн, ахсынньы 3 күнүгэр, Дьокуускайдааҕы онкология диспансерын мэдэссиинэ биригээдэтэ Үөһээ Халыма улууһугар үлэлии көттө.
Куорат онкологтара: кылаабынай быраас, акушер-гинеколог-онколог Лена Афанасьева, хирург-онколог Петр Никифоров уонна УЗД бырааһа Майя Тихонова үөһээ халымалары көрүөхтэрэ. Быраастар суола-ииһэ суох Нелемной, Уутайа, Уһун Күөл нэһилиэктэригэр тиийиэхтэрэ. Диспансерга этэллэринэн, маннык сырыы Арктика улуустарыгар сотору-сотору ыытыллыаҕа.
