Киир

Киир

Лоп курдук сыл анараа өттүгэр “Якутия” технопаарка Уһук Илиҥҥэ аан бастакы үрдүкү технология пааркатын – “Якутск” ИТ-Паарканы арыйбыта.

 

Күн бүгүн манна номнуо 110 резидент-хампаанньа тигинэччи үлэлиир, кинилэр бу сыллааҕы үбү киллэриилэрэ 272 мөл.солк. тэҥнэспит. Бу аҕыйах хонуктааҕыта “Якутия” технопаарка “Сколково” Инновационнай киин эрэгийиэннээҕи операторын ыстаатыһын ылбытын туһунан иһитиннэрдилэр. Бу туһунан СӨ Инновация, сыыппара сайдыытын уонна инфокоммуникационнай технология министиэристибэтин пресс-сулууспата иһитиннэрэр.

Миниистир Анатолий Семенов этэринэн, билигин технопаарка резиденнэрэ “Сколково” резиденнэринэн буолуохтарын сөп. Онуоха кинилэр Москубаҕа эҥин көһөн бараллара ирдэммэт. Кинилэр Дьокуускайга бэлиэтэнэн баран, салгыы “Сколковоҕа” курдук нолуок чэпчэтиилэрин эҥин толору туһанар кыахтаныахтара. Итиэннэ “Сколково” ыытар араас акселерационнай бырагыраамаларыгар толору кыттар бырааптаныахтара, инвестицияны тардарга кыахтара улаатыаҕа. Эдэр учуонайдар араас үөрэтэр бырагыраамаларга ылсыахтарын сөп, итиэннэ Саха сирин аатыттан Russian Startup Tour, Startup Village курдук “Сколково” ыытар улахан тэрээһиннэригэр кыттыахтарын сөп. Ити өрөспүүбүлүкэ экэниэмикэтигэр улахан сайдыыны, үлүгэр үбү, саҥа үлэ миэстэтин аҕалыан сөп.

texno1

“Сколково” эрэгийиэннээҕи оператордарын арыйар туһунан кыах быйыл атырдьах ыйыгар сокуоҥҥа уларытыы киириэҕиттэн ыла баар буолбута. Ахсынньы 25 күнүгэр “Якутия” Технопаарка дириэктэрэ Петр Габышев “Сколково” Пуонда вице-бэрэсидьиэнин Юрий Сапрыкины кытары бырайыактары үлэҕэ киллэрэр туһунан Сөбүлэҥи баттаспыттара.

Тарҕат:

Санааҕын суруй