Бу туһунан "Мииринэй куората" муниципальнай тэриллии саламтата хас да төгүл биллэрэн турар.
Бастатан туран, бу тутууну ханнык хампаанньа үбүлүүргэ бэлэмин биллэрэбин. Ол "Сүлдьүкээрнефтегаз" хампаанньа буолар. Тутуу Мииринэй куорат 25-с кыбаарталыгар дьэндэйиэхтээх, ол эбэтэр куорат арҕаа диэки эҥэригэр. Өктөөп 50 сылын аатынан уулусса оройуона буолар.
Норуоттар доҕордоһууларын дьиэтэ сахалыы быһыылаах, моһуоннаах буолуоҕа. Арчы дьиэтигэр маарынныыр ис-тас нөрүөннээх, оһуордаах-мандардаах, киэргэтиилээх буолара торумнанар. Манна Мииринэй куоратыгар олохсуйан олорор араас омук дьоно бэйэлэрин төрүт уус урамньыларын, айымньыларын кэрэһэлиир хосторо баар буолуохтара. Ону таһынан, араас кэрэ-бэлиэ тэрээһиннэр, кэнсиэрдэр, бырааһынньыктар ыытыллыахтара.
Интэриниэт хаартыската
Станислав Алексеев, Мииринэй куората.