Тохсунньу 21 күнүттэн Уус Алдан улууһун Лөгөй нэһилиэгин Хомустааҕар “Киин” хочуолунай үлэлээтэ.
Ааспыт сыл атырдьах ыйын 17 күнүгэр, ОДьКХ уонна ТЭК эбийиэктэрэ кыстыкка бэлэмнэрин хонтуруоллуур көһө сылдьар мунньахха, кылгас болдьох иһигэр хочуолунай тутар туһунан быһаарыныы ылыллыбыта. Ол курдук, 9х21 иэннээх, 3,75 МВт кыамталаах саҥа хочуолунай болдьоҕор үлэҕэ киирдэ. Хочуолунай СӨ ОДьКХ көҕүлүүр бырагыраамматынан олоххо киирдэ. Саҥа хочуолунай социальнай эбийиэктэри эрэ буолбакка, чааһынай дьиэлэри эмиэ итиинэн хааччыйар буолуоҕа.
