Аллараа Бэстээххэ баар көлө техникума Уһук Илин уонна дойду бөдөҥ хампаанньаларын кытары бииргэ үлэлэһэрин күүһүрдэр. Бу туһунан СӨ Үөрэххэ уонна билимҥэ министиэристибэтин пресс-сулууспата иһитиннэрэр.
Орто анал үөрэҕи биэрэр тэрилтэ 2011 сыллаахха тэриллибитэ, билигин манна 299 устудьуон үөрэнэр. Аллараа Бэстээх ыстаансыйатыгар тимир суола кэлиэҕиттэн ыла, үөрэххэ киириигэ куонкурус улааппыт, сыллата ортотунан биир миэстэҕэ 4-5 сайабылыанньа киирэр. Манна 4 идэҕэ уһуйаллар: “Строительство железных дорог, путь и путевое хозяйство”, “Организация перевозок и управление на транспорте (железнодорожном)”, “Техническая эксплуатация подвижного состава железных дорог (вагоны)”, “Техническая эксплуатация подвижного состава железных дорог (локомотивы)”.
Техникумҥа аныгылыы тупсаҕай, бары усулуобуйа баар устудуьоннар олорор уопсайдаахтар. Уопсйага куукуна, таҥас сууйар сир, тренажернай саала, киинэ саалалаах сынньанар хос баар. Кыаммат устудьуоннары босхо аһатар улахан остолобуойдаах. Техникум дириэктэрэ Василий Петров этэринэн, үлэни биэрэр тэрилтэлэри – «Железные дороги Якутии», Госснабсбыт, Ассоциация АЯМ, «Мегинские автомагистрали», Мэҥэ Хаҥаластааҕы ДьУОХХ тэрилтэлэри кытары ыкса ситимнээхтик үлэлииллэр. Иккис куурустан устудьуоннар бу тэрилтэҕэ ыкса сыстан быраактыканы ааһаллар уонна үлэҕэ киирэр үтүө үгэстээхтэр. Билигин 98 бырыһыан выпускник үлэннэн хааччыллар. Инникитин Уһук Илин уонна дойду бөдөҥ тэрилтэлэрин кытары үлэлэһэргэ ылсаллар.
