Олунньу 4-6 күннэригэр Ньурба улууһугар биллиилээх судаарыстыбаннай, уопсастыбаннай диэйэтэл С.Н. Донской II 125 сылыгар анаан СӨ үөрэҕирии уонна наука министиэристибэтин күннэрэ буолан аастылар.
Малдьаҕар, Марха, Ньурбатааҕы 1, 3, Антоновка орто оскуолаларыгар уонна Ньурбатааҕы тэхиньиичэскэй лиссиэйгэ, тэрээһиннэр ыытылыннылар. Ньурбатааҕы оҕону эбии үөрэхтээһин базатыгар педагогтарга анаан Я.Я. Акимов “Разработка виртуальных приложений”, Бүлүү улууһуттан К.Р. Крылов компьютернай анимацияҕа куурус ыыттылар. Оҕо тэхиньиичэскэй дьоҕурун сайыннарар киинигэр Бүлүү, Ньурба педагогтара, методистара цифровой уонна IT технологиялары туһаныыга бэйэлэрин ньымаларынан маастар кылаастарын көрдөрдүлэр. “Кэскил” инновационнай технология киин методиһа Фёдорова Зарида Андреевна модератор быһыытынан кытынна. “Юные якутяне” өрөспүүбүлүкэтээҕи ресурснай киин тэхиньиичэскэй хайысхаҕа тэрийээччи педагога Гаврильев Семен Анатольевич, Бүлүүтээҕи “Кэскил” интеллектуальнай өттүнэн оҕо дьоҕурун сайыннарыы киин ыстаарсай методиһа Слепцова Анна Васильевна, Ньурбатааҕы оҕо тэхиньиичэскэй дьоҕурун сайыннарар киин методиһа Егорова Марина Семёновна экспиэринэн үлэлээтилэр. Барыта 13 маастар-кылаас көрдөрүлүннэ. Түмүккэ Н.И. Протопопова аатынан “Кэскил” ИТК методиһа Зарида Андреевна Фёдорова “Методист как коуч для педагогов в условиях введения цифровых технологий”, Степан Васильев аатынан Ньурба 1 №-дээх оскуолатын ИЗО уонна черчение учуутала Татьяна Владимировна Степанова “Моделирование в системе компас 3D”, Ньурбатааҕы оҕо тэхиньиичэскэй дьоҕурун сайыннарар киин эбии үөрэхтээһин педагога Егор Герасимович Миронов “Разработка мобильного приложения для сайта с использованием программы Android Studio”, Н.И. Протопопова аатынан “Кэскил” ИТК эбии үөрэхтээһин педагога Дмитрий Александрович Дашевскай “Среда программирования Scrath”, эбии үөрэхтээһин педагога Наталья Юрьевна Константинова “Чудеса дополненной реальностью” үлэлэринэн маастар кылаас ыыппыттарга “Дополнительное образование Якутии” өрөспүүбүлүкэтээҕи иһитиннэрэр-биллэрэр методическай сурунаалга тахсарга туоһулуур сибидиэтилистибэлэри үөрүүлээх быһыыга-майгыга Семёнов Анатолий туттартаата.
Олунньу 6 күнүгэр оҕолорго анаан региональнай таһымнаах Хакатон “IT-Start” күрэхтэһиигэ Үөһээ Бүлүү, Бүлүү, Ньурба хамаандалара кыттыахтара. “Умный город, умный дом”, Мобильные игры и приложения”, “Компьютерные игры и приложения”, “Вертуальная дополнительная разработка”, “Вспомогательные сайты для населения”, “Твои авторские разработки в сфере IT”. Үс бастакы миэстэлэри ылбыттар “Юные якутяне” РРК чэбдигирдэр-сынньанар лааҕырдарга путёвканан наҕараадаланыахтара.
“Юные якутяне” өрөспүүбүлүкэтээҕи ресурснай киин тэхиньиичэскэй хайысхаҕа педагог-тэрийээччитэ Гаврильев С.А.: “Биһиги тэрилтэбит Cаха сиригэр эбии үөрэхтээһиҥҥэ өрөспүүбүлүкэ таһымнаах араас тэрээһиннэри тэрийэн ыытар. Федеральнай бырайыактарга үлэлэһиини салайан ыытар. Үөрэҕирии уонна наука министиэристибэтин күннэригэр педагогтар маастар кылаастарыгар уонна Хакатон “IT-Start” күрэхтэһиигэ экспиэр быһыытынан кытынным. Биһиги Саха сирин оҕолоро Аан дойду таһымнаах күрэхтэргэ кытталларыгар сыал-сорук туруорунан үлэ ыытабыт”. Дойду үрдүнэн билиҥҥи балысхан сайдыылаах кэмҥэ үрдүк таһымнаах исписэлиистэр, инженердэр, цифровой гаджет уонна сетевой ситим тутулугар робототехникаҕа, сетевой дизайнердар уо.д.а идэлэргэ үөрэҕирии салаата кэлэр көлүөнэҕэ анаан тэрээһини тэрийэн ыытара хайҕабыллаах.
Антонина СЕМЁНОВА.
