КЫЫМ.РУ Кыайыы 75 сылына көрсө, Дьокуускай “Үлэ килбиэнин куората” диэн албан аакка тиксиэн сөп. Бу туһунан киин куорат дьаһлтатын пресс-сулууспата иһитиннэрэр.
Видеоконференц сибээһинэн буолбут нэдиэлэтээҕи мунньахха Сардаана Авксеньтева бу туһунан кэпсээбит.
“Миэхэ бу күннэргэ “Үлэ килбиэнин куората” албан ааты иҥэрэр тэрийэр бөлөх этиилээх тахсыбыта. Маннык ааты дойду бэрэсидьиэнин ыйааҕынан иҥэрэллэр. Билигин оборона министиэристибэтин архыыбыттан “Алсиб” 1-кы авиационнай дивизиятын Кыһыл Знамя уордьанынан наҕараадалаабыттарын туһунан докумуону булбуттар. Инньэ гынан, биһиги куораппыт бу албан аакка тиксэригэр юридическэй төрүөттэнэр”, - диэн Сардаана Владимировна иһитиннэрэр.
Бу албан аат Кыайыы 75 сылын көрсө иҥэриллэригэр, сотору кэминэн куорат олохтоохторуттан анал саайтка илии баттааһынын хомуйуута саҕаланыаҕа. Маныаха карантинан сибээстээн ылыныллыбыт хааччахтар мэһэйдэһиэ суохтаахтар. Онон куорат мээрэ “бу хамсааһыҥҥа хас биирдии саха киһитэ өйөөн кыттыһара – ытык иэһэ” диэн ыҥырда.
Онон мээр сотору кэминэн илии баттааһынын хомуйууга анал саайты үлэлэтэргэ сорудахтаата.
