СӨ ИДьМ муус устар 6 күнүнээҕи көрдөрүүтүнэн, өрөспүүбүлүкэ үрдүнэн электроннай СМИ аатыттан уопсастыбаннай суолталаах кырдьыга биллибэт иһитиннэриилэри тарҕатыы 25 төгүл бэлиэтэммит.
Олортон 19 матырыйаалынан бэрэбиэркэ ыытыллар, иккигэ административнай быраабы кэһиигэ боротокуола оҥоһуллан суукка ыытыллыбыт. Ыстараап кээмэйэ 30-100 тыһ солк, дуоһунастаах дьоҥҥо 60-200 тыһ солк, юридическай сирэйдэргэ 200-500 тыһ солк тэҥнэһэр. Ону таһынан, Интэриниэккэ эбэтэр СМИ-гэ дьаҥ, ол быыһыгар хоруона-вируһун туһунан сымыйа сураҕы тарҕатыы сокуонунан административнай ыстараапка салайыллар. Ол курдук юридическай сирэйдэр 1,5 мөл - 3 мөл солк диэри ыстарааптаныахтарын сөп. Өскөтүн маннык иһитиннэрии киһи өлүүтүгэр, доруобуйаҕа эбэтэр баайга-дуолга охсубут, уопсастыбаннай бэрээдэги кэспит буоллаҕына, РФ административнай быраабы кэһии кодексатын 13.15 ыст. 10.2 ч 3 мөл - 5 мөл солк диэри ыстараап көрүллэр.
