Өрөспүүбүлүкэ үрдүнэн 164 оскуолаҕа оҕолор үөрэнэн саҕалаабыттар. Тоҕо диэтэххэ дистанционнай үөрэҕи тэрийии табыллыбатах. Бу туһунан СӨ үөрэх уонна наука министиэристибэтин пресс-сулууспата иһитиннэрэр.
Онуоха кылааска үөрэнээччилэр ахсааннарыгар, уруок уһунугар, санитарнай нуормаларга о.д.а. кэккэ ирдэбиллэр тутуһуллаллар.
Уопсайа 649 оскуолаҕа (100 %) үөрэх саҕаламмыт. 147 624 оҕоттон 136 116 оҕо (92,20 %) дьиэлэриттэн үөрэнэллэр. Ол иһигэр “онлайн” эрэһииминэн 110 326 (74,7 %), оттон “офлайн” эрэһииминэн 25 709 (17,4 %) оҕо, 7,8 % – оскуолаҕа үөрэнэллэр.
Орто анал үөрэх кыһаларын 17 тыһ тахса уонна үрдүк үөрэх кыһаларын 20 тыһ устудьуона дистанционнай эрэһииминэн үөрэнэллэр. Сорох устудьуоннар производственнай быраактыканы бараллар.
