Мииринэйгэ Аммосов уонна Өктөөп 40 сылын аатынан уулуссалар быһа охсуһууларыгар, суос-соҕотох таас дьиэ тутуллар. Үс этээстээх, түөрт подъездаах дьиэ бөдөҥ таас блоктартан турар.
Тас бүрүөһүнүн бүтэрэн, ис үлэтигэр киирэллэрэ хаалбыт. Ол бу сыл сааһыгар, сайыныгар, күһүнүгэр ыытыллара былааннанар. Дьиэ ис бараана аныгы тутуу тумалыктардаах, ититиитин, уутун-хаарын ситимэ полимер, биметаллика радиатордаах, ититиини хонтуруоллуур терморегулятордаах буолуохтаах. Бу дьиэ 2018 сылтан тутуллар. Тутуу үлэтэ тохтоон хаалыа диэн куттал баара. Ааспыт сылга бэдэрэээччит уларыйан, дьиэ тутуутун “Кинг-95” тэрилтэ ылбыта. Былаан быhыытынан быйыл тутуллан бүтүөхтээх. 71 кыбартыыралаах дьиэҕэ уочаракка турар дьон олохсуйуохтаахтар. Саатар эрэ, куоракка күн бүгүн суос-соҕотох тутуллар дьиэҕэ улугуран хаалыы бүрүүкээбэтин. Оччотугар, тулаайахтар, кыамматтар, өр сыл куһаҕан усулуобуйаҕа олорбут дьон, тупсаҕай дьиэҕэ олоруо этилэр.
Станислав Алексеев, Мииринэй куората.
Ааптар тутууну араас кэмҥэ түһэрбит хаартыскалара.
