Муус устар 22 күнүгэр, сарсыарда 11 ч. Ил Дархан Айсен Николаев өрөспүүбүлүкэҕэ коронавирус тула балаһыанньаны билиһиннэрдэ.
-- Ааспыт күннэргэ холоотоххо, балаһыанньа бүгүн арыый да. Ааспыкка сууккаҕа эбии 10 ыарыһах бигэрэгэннэ: олортон 8 ыарыһах Сунтаар улууһугар “Бүлүү” федеральнай суолугар баар баахта бөһүөлэгэр булулунна. Билигин ол бөһүөлэги саптылар, киирии-тахсыы бобуллар. Сунтаар улууһун нэһилиэктэригэр куттал суоһаабат. Ол эрээри, бу дьаҥ тарҕамматын туһугар сөптөөх миэрэлэр ылыллыахтаахтар. Ол туһунан мин улуус баһылыгар Анатолий Васильевич Григорьевка өссө төгүл тоһоҕолоон эттим. Дьокуускайга эбии икки ыарыһах бигэргэннэ: кинилэр урут ыалдьыбыт дьон уруулара.
Бу бүтэһик күннэргэ аан бастакытын Алдаҥҥа ыарыы булуллубата. Бэҕэһээҥҥи анаалыстар бары “отрицательнай” диэн буолла. Перинатальнай кииҥҥэ ылыллыбыт анаалыстар эмиэ барыта “отрицательнай” диэн. Ол эрээри балыыһа син биир карантиҥҥа сабыллар.Онно дезинфекция эҥин ыытыллар.
Чайыҥдаҕа Дьокуускайтан уонна Санкт Петербургтан. Москубаттан медиктэр кэлэн үлэлииллэр.
Саха сирин олохтоохторуттан өссө төгүл дьиэҕитигэр тулуйан олоруҥ, алтыһыыларгытын аччатыҥ диэн ыҥырабын!
