Уус Алдан улууһун Мүрүтээҕи “Уолан” гимназияны бүтэрбит урбаанньыттар Афанасий Сивцев уонна Федот Бурнашев төрөөбүт улуустарыгар 1000 маасканы бэлэхтээтилэр. Бу туһунан “Инстаграм” социальнай ситимҥэ улуус аккаунугар суруйаллар.
Кинилэр кэпсииллэринэн, өрөспүүбүлүкэ араас тэрилтэлэригэр анаан 35 000 маасканы оҥорбуттар. Улуустааҕы волонтердар куорпустарын үлэһиттэрэ биир бастакынан мааскалары бэлэх туттулар. Онтон улуус нэһилиэктэринэн аҕа саастаах дьоҥҥо, тиийиммэт-түгэммэт ыалларга, полиция үлэһиттэригэр, маҕаһыыннар атыыһыттарыгар, социальнай үлэһиттэргэ уо.д.а. көмөҕө наадыйар араҥаҕа түҥэтиэхтэрэ.
