РФ премьер-миниистирэ Михаил Мишустин 6,5 %-наах чэпчэтиилээх ипотека бырагыраамматын бигэргэтэр туһунан уураахха илии баттаата. Уураах чэппиэргэ бырабыыталыстыба саайтыгар тахсыбыт.
“Чэпчэтиилээх ипотека 2020 сыл сэтинньи 1 күнүгэр диэри үлэлиэҕэ. Ыстаапката 6,5 % үрдүк буолуо суоҕа уонна кирэдьиит болдьоҕун устата оннунан хаалыаҕа. Бу бырагыраамманан Москубаҕа уонна Санкт-Петербурга 8 мөл солк диэри, оттон атын эрэгийиэннэргэ 3 мөл солк диэри сыаналаах дьиэни ылыахха сөп”, – диэн быһаарыы сурукка бэлиэтэнэр.
Ипотека усунуоһа аччаабыта 20 % буолуохтаах. Бырагыраамма көмөтүнэн 250 тыһ ипотека кирэдьиитэ бэриллиэҕэ. Ону таһынан, тутуу эйгэтигэр эбии 900 млрд солк киириэҕэ.
Бырагыраамма быраабылатынан, чэпчэтиилээх ипотеканы долевой дуогабарынан эбэтэр ирдэбил быраабын туран биэриинэн юридическай сирэйтэн уонна киирбит дьиэҕэ атыылаһыы уонна атыылааһын дуогабарынан ылыахха сөп.
