Хахыйах диэн – улуус кииниттэн 76 км сытар, 70-ча нэһилиэнньэлээх дьоҕус дэриэбинэ. Хахыйах суол-иис алдьанар кэмигэр атын нэһилиэктэри кытта сибээһэ суох хаалар.
Улуус баһылыга Андрей Ноговицын бу дэриэбинэҕэ тахсан, икки, толору хааччыллыылаах түөртүү кыбартыыралаах дьиэни тутуу үлэтэ-хамнаһа хайдах баран иһэрин билистэ. Бу дьиэлэр “Хаарбах дьиэлэртэн көһөрүү” бырагырааматынан тутулла тураллар. Бу дьыл ыам ыйыгар саҥа дьиэлэри үлэҕэ киллэрэр соруктаахтар. Бу дьоҕус бөһүөлэккэ сүүрбэ сылтан бэттэх бастакы саҥа дьиэлэр тутулла туралларын санатар тоҕоостоох. Онон олохтоохтор үөрүүлэрэ муҥура суох. Нэһилиэк баһылыга Мария Кронникова оскуола дьиэтэ хапытаалынай өрөмүөнү ирдиирин эттэ. Билиҥҥитэ үөрэх кыһата 19 үөрэнээччилээх.
