Саха сиригэр ааспыт суукка устата 41 киһи коронавирустаабыта бигэргэммит, 16 киһи үтүөрбүт.
38 ыарыһах Дьокуускайга, 2 - Алдан, биир Хаҥалас улууһугар бигэргэммит. Ыарыһахтары балыыһаҕа симэллэр, алтыспыт дьонун изоляцияҕа ыыталлар, бэрэбиэркэлииллэр. 13 киһи - Алдаҥҥа, 2 - Дьокуускайга, 1 - Бүлүүгэ ыарыһахтар үтүөрбүттэрэ. Уопсайа 97 киһи үтүөрдэ.
8 киһи ыарахан туруктаах сытар: 6 - Дьокуускайга, 2 - Мииринэйгэ. Уопсайа Саха сиригэр 551 коронавируска сыстыбыт киһи бигэргэммитэ, 4 киһи өлбүтэ.
Суукка устата 2060 анаалыс бэрэбиэркэлэммит, 600 киһи обсерватордарга сыталлар.
