1. "Росрыболовство" Илин Сибиирдээҕи управлениета өрөспүүбүлүкэҕэ балыктар массабай ыамнара саҕаламмытынан, бу ыам ыйын 15 күнүттэн саҕалаан, бары көрүҥ сиэккэлээх тэрилинэн балыктыыр кытаанахтык бобулларын иһитиннэрэр.
Россия Тыа хаһаайыстыбатын минстиэрстибэтин 03.09.2014 күнүнээҕи 348 N-дээх бирикээһинэн бигэргэммит Балыктааһын быраабылатын 37 пуунугар сааскы-күһүҥҥү балык маассабай ыамын кэмигэр:
– О.э. ыам ыйын 25 – бэс ыйын 25 күннэригэр – Анаабыр, Өлөөн, Булуҥ, Эдьигээн, Усуйаана, Абый улуустарыгар;
– Аллайыаха улууһугар (Индигир сүнньүттэн уратыга) уонна Аллараа Халыма улууһугар (Халыма сүнньүттэн уратыга) ыам ыйын 25 – бэс ыйын 25 күннэригэр;
– Ыам ыйын 15 – бэс ыйын 15 күннэригэр – Мииринэй, Үөһээ Бүлүү, Бүлүү, Ньурба, Сунтаар, Алдан, Амма, Ленскэй, Өлүөхүмэ, Нерюнгри, Уус Майды, Таатта, Томпо, Уус Алдан, Чурапчы, Мэҥэ Хаҥалас, Хаҥалас, Горнай, Нам, Кэбээйи, Үөһээ Дьааҥы, Эбээн-Бытантай, Муома, Өймөкөөн, Үөһээ Халыма улуустарыгар, Дьокуускай куорат муниципальнай тэриллиигэ сыһыарыллыбыт административнай сирдэригэр;
– Ыам ыйын 15 – бэс ыйын 15 күннэригэр Орто Халыма улууһугар сиэккэлээх булт тэрилин туһанан балыктыыр бобуллар.
2. Быраабыла 36 пуунугар ыам ыйын 25 – бэс ыйын 25 күннэригэр Анаабыр, Өлөөн, Булуҥ, Эдьигээн, Усуйаана, Аллараа Халыма, Аллайыаха, Абый улуустарыгар баар, салаалаах өрүстэргэ уонна бары күөллэргэ били, быйыты уонна дьарҕааны бултуур көҥүллэммэтэ суруллар. Итинтэн ураты өрөспүүбүлүкэ улуустарыгар уонна Дьокуускай МТ киирсэр административнай сирдэргэ ити көрүҥ балыктары бултуур ыам ыйын 20 – бэс ыйын 20 күннэригэр бобулларын биллэрэбит.
3. Саха сирин территориятыттан Лаптев уонна Илиҥҥи Сибиир муораларыгар тиийэн түһэр бары магистральнай өрүстэргэ уонна барар протокаларыгар балык саас уонна күһүн ыыр, ону ааһан бу эбэтэр балыктар айанныыр (миграциялыыр) суолларын айаҕа буолар.
4. Бу кэмҥэ арай бэйэ сииригэр анаан (ол аата, любительскай балыктааһын), хатыыстан, тууччахтан, билтэн, дьарҕааттан ураты көрүҥ балыктары (сууккатааҕы нуорма иһинэн) удочканан, закидушканан, спинининэн уо. д.а. ыам кэмигэр балыктааһын Быраабыла боппот тэриллэринэн балыктыахха сөп.
5. Балык ыамын кэмигэр Балыктааһын быраабылатын кэһэр балыксыттары харыларыттан харбыыр сыаллаах хас да хонтуруоллуур уорган кыттыылаах бэрэбиэркэлиир сырыы-айан элбэх буолуоҕун санатабыт.
6. Балыктааһын быраабылатын кэһэр түбэлтэҕэ РФ административнай быраабы кэһиигэ Кодексын 8.37 ыст. 2 ч. олоҕуран, биирдиилээн дьон – 2000 – 5000 солк. диэри, дуоһунастаах сирэйдэр – от 20.000 – 30.000 солк.; юридическай сирэйдэр – 100.000 – до 200.000 тыһ. солк. ыстарааптаналлар.
*Онон бүппэт, бороконьуордаабыт дьон ууга устар тэриллэрин, бултуур тэриллэрин былдьыыр бырааптаахтар.
* Ону таһынан уу биологическай баайын көҥүлэ суох туһаныы иһин тахсыбыт хоромньу (иск) төлөнүөхтээҕин сокуон ирдиир.
7. Маны таһынан хоруона хамсыгын кэмигэр харантыын, "самоизоляция" эрэсиимин кэһимэҥ, сокуону тутуһуҥ диэн ыҥырбыттар. Онон, күндү доҕоттор, бука диэн, сэрэниҥ, сокуону, Быраабыланы кэһэргэ тиэтэйимэҥ.
