Убаастабыллаах Дьокуускай куоракка олорор биир дойдулаахтарбыт!
Аан дойдуну аймаабыт хоруона вирус “COVID-19” сыстыганнаах ыарыы туруоҕуттан, дьон-сэргэ бары биир санаанан бу дьаҥы утары үлэҕэ туох-баар күүстэрин уураллар.
Горнайдааҕы киин балыыһа счетугар, биир дойдулаахтарыгар “Горнай түмсүү” уопсастыбаннай тэрилтэтэ (сал.Федорова Н.П.) харчынан көмө ыыппыта.
Киирбит көмө үбүнэн 2 бесконтактнай термометр, тыынар уорганы харыстыыр 216 респиратор ылан күннээҕи үлэбитигэр, бу ыарыыны утары охсуһарбытыгар улахан көмө буолла.
Эһиги, биир дойдулаахтарбыт, биһиги үлэбитигэр үөскээбит балаһыанньаны сөпкө өйдөөҥҥүт бачыым көтөҕөн санаабытын өрө көтөхтүгүт. Киин балыыһа кэллэктиибин аатыттан, биир дойдулаахтарбытыгар улахан көмөҕүт иһин истиҥ МАХТАЛБЫТЫН тиэрдэбит. Бары күүспүтүн холбоон туруннахпытына, бу дьаҥы кыайыахпыт диэн бигэ эрэллээхпит. “Горнай түмсүү” уопсастыбаннай тэрилтэ төрөөбүт дойдугутугар күүс-көмө, түүмсүүлээх буоларгытынан киэн туттабыт. Эһиэхэ бары үтүөнү, ситиһиини баҕарабыт!
Киин балыыһа кылаабынай бырааһын солбуйааччы Ж.А.Андреева.
Ыам ыйын 14 күнэ, 2020с.
