Киин куораппытыгар коронавирус тарҕаныыта саамай улахан. Иньэ гынан, куораттааҕы оперативнай штаб дьаҥы бохсууга үлэни өссө күүһүрдэр.
Хамсык саҕаланыаҕыттан элбэх кыбартыыралаах олорор дьиэлэри, дьон тоҕуоруһар сирдэрин анал суурадаһынан дезинфекциялаан барбыттара. Бэҕэһээ киэһээҥҥи туругунан, 2408 дьиэттэн 1280-гар подъезтары дезинфекциялааһын ыытылынна. Куорат кытыытынааҕы Пригороднайга, Мархаҕа уонна Хатаска дезинфекциялааһын былаана сүүс бырыһыан туолбут. Оттон куоракка Губинскай уонна Киин уокуруктар көрдөрүүлэрэ үчүгэй.
Элбэх кыбарыыралаах олорор дьиэлэр 71 бырыһыаныгар ыраастааһын ыытылынна. Билиҥҥитэ 1128 дьиэ хаалан турар.
Дезинфекцияны ыытыынан куорат салайар хампаанньалара, ТСЖ-лар, ону тэҥэ куорат хаһаайыстыбатын эксплуатациялыыр сулууспата (СЭГХ) дьарыктаналлар.
Роспотребнадзор ирдэбилинэн, күҥҥэ иккитэ дьон саамай сылдьар сирэ анал суурадаһынынан дезинфекцияланыахтаах, подъезд нэдиэлэҕэ иккитэ хлордаах уунан сууллуохтаах.
Салайар хампаанньаҕыт эбэтэр ТСЖ дезинфекцияны ыыппат буоллаҕына маннык төлөппүөннэргэ эрийэн этиэххитин сөп:
ЕДДС — (4112) 44-42-29, 44-42-51
Гостройжилнадзор — (4112) 34-50-53, 34-26-44, төл./факс (4112) 34-22-49, эл. почта: Этот адрес электронной почты защищён от спам-ботов. У вас должен быть включен JavaScript для просмотра..
