Уус Алдан улууһун олохтооҕо Алдан өрүстэн 10 мөл. солк. тахса суумалаах хатыыһы балыктаан сууттанна. Бу туһунан улуустааҕы борокуратуура иһитиннэрэр.
Суут быһаарбытынан, сууттанааччы 33 устуука сибиир хатыыһын бу дьыл кулун тутар ыйыгар Алдан өрүскэ балыктаабыт. Онуоха туһааннаах туох да көҥүлэ суох эбит. Кинини утары “бөдөҥ хоромньуну таһаарбыт сокуоннайа суох уу биологическэй ресурсаларын бултааһын (балыктааһын)” диэн ыстатыйаннан холуобунай дьыаланы көбүппүттэр. Суут балыксыттан хоромньутун толуйарыгар 10 мөл. солк. тахса суумаҕа ыстырааптаата. Хатыыс ордук сыаналаах биоресурсалар испииһэктэригэр киирсэр уонна Арассыыйа норуоттар икки ардыларынааҕы дуогабардарынан харыстанар. Хатыыһы хаптарыы балык популяциятыгар улахан охсуулаах, инньэ гынан бу көрүҥ ахсаана биллэ аҕыйыырыгар тиэрдэр.
Сэҥээриилэр