Бэс ыйын 20 күнүттэн М.К. Аммосов аатынан ХИФУ тутар хамыыһыйата үлэтин саҕалаабыта. Билиҥҥитэ 800-чэ сайабылыанньа номнуо киирэн сытар диэн университет прес-сулууспата иһитиннэрэр.
Саамай элбэх сайабылыанньа Педагогическэй институкка киирбит – 58. Киин тутар хамыыһыйа начаалынньыга Елизавета Ильина иһитиннэрбитинэн, 800 сайабылыанньа барык иритиэрийгэ эппиэттэһэр уонна быраабыла быһыытынан 400-тэн тахса сайабылыанньа толоруллубут. «Киирбит сайабылыанньаттан улахан аҥара – быйылгы выпускниктартан. «Личный кабинет абитуриента СВФУ» нөҥүө куорат оҕолоруттан эрэ буолбакка, улуустартан эмиэ киирбит», — диэн начаалынньык этэр. 50 оҕо Мэдэссиинэ институтугар туттарсаары докумуоннарын ыыппыт.Оттон математика уонна информатика институтугар 40 иһитиннэрии киирбит.
