Хоту улуустарга билигин 22 лааҕыр үлэлиир, сотору өссө 12 арыллыахтаах. Саха сирин былаастара Арктика улуустарыттан 800 оҕону Анапа уонна Сочи лааҕырдарыгар сынньалаҥҥа ыытыахтара.
Билигин дойдуга хамсык балаһыанньата тупсарын кэтэһэллэр, ол кэннэ бастакы бөлөҕү ыыппытынан барыахтара. Үөрэх миниистирэ Михаил Сивцев эппитинэн, минимтиэристибэ Анапа уонна Сочи лааҕырдарыгар 800 оҕону сынньатарга дуогабардаах эбиттэр. Хоту улуустарга хонуга суох 22 лааҕыр үлэлиир, билигин суһал штаб көҥүлүнэн эбии 12 лааҕыры арыйыахтара.
