“Уһук Илиннээҕи ипотека” бырагырааматынан Саха сиригэр чэпчэтиилээх ипотеканнан туһанарга 2359 дуогабары түһэрсибиттэр. Бу туһунан ТАСС суруйар.
“Атырдьах ыйын 13 күнүнээҕи туругунан, өрөспүүбүлүкэҕэ 2359 дуогабар түһэрсиллибит, ити 9,1 млрд солк. тэҥнэһэр. Маныаха 142 дуогабары чааһынай дьиэни туттууга диэн түһэрсибиттэр, ити миллиард аҥаарыгар тэҥнэһэр”, - диэн бастакы вице-премьер э.т. Кирилл Бычков кэпсээбит. Кирилл Бычков маннык чэпчэтиилээх ипотеканы туһанарга бастакы ырыынакка атыыланар дьиэ суоҕа атахтаабыт. “Чэпчэтиилээх ипотека баар буолан, ырыынакка дьиэ былдьаһык буолбут, онон дьиэ сыаната үрдээбит. Ааспыт сыл 4-с кыбаарталыгар холоотоххо, Дьокуускайга дьиэ биир кв.м. сыаната 19 бырыһыан үрдээбит уонна ортотунан 96 тыһ. солк. тэҥнэспит. Куоракка дьиэ тутарга сөптөөх сир учаастага суох уонна дьиэни тутууга бырайыактаах үбүлээһин киирэн саҥа элбэх кыбартыыралаах дьиэни туппаттар”, - диэн Кирилл Бычков тоһоҕолообут.
