СӨ Үөрэххэ министиэристибэтэ иһитиннэрэринэн, өрөспүүбүлүкэ үгүс оскуолалара күһүҥҥү каникулуга сэтинньи 2-15 күннэригэр барыахтара.
“Үүммүт нэдиэлэни үгэс буолбут хамсыгы бохсор министиэристибэ суһал штабын мунньаҕынан саҕалаатыбыт. Социальнай ситимнэргэ уонна СМИлэргэ хоруона хамсыгынан сибээстээн оскуолалары сабары туруорусуулары элбэхтэ көрөбүт. Билиҥҥитэ бары оскуолалары сабаттыыр эбтэр барыларын дистанционнай үөрэтиигэ көһөрөргө тиийэ иликпит”, - диэн миниистир Михаил Сивцев эппит.
Кини этэринэн, Саха сиригэр нэһилиэктэргэ балаһаыанньа араас-араас, бары оскуолаларга ыалдьыбыт киһи булуллубут диэн буолбатах. Алтынньы 17 күнүнээҕи туругунан, харантыыҥҥа 649 оскуолаттан 5 оскуола барбыт. Кинилэр ОРВИттан сылтаан харантыыҥҥа сабаллыбыттар (Алдан улууһугар – 2, Бүлүү улууһугар – 2, Кэбээйигэ – 1).
“Оскуолалары сабыы – балаһыанньаттан тахсыы буолбатах. Саҥа үөрэх дьыла саҕаланыаҕыттан дистанционнайдык үөрэнэ, үлэлии олорбут дьон истэригэр ыалдьыбыт дьоннор бааллар”, - диэн миниистир тоһоҕолообут. Кини “алын кылаас оҕолорун кытары сирэй көрсөн олорон үөрэтэр ордук. Саха сиригэр 65 тыһ. оҕо алын сүһүөххэ үөрэнэр”, - диир.
Үөрэх миниистирэ сүрүн учуутал бүллүтүөҥҥэ барбыт түгэнигэр дистанционнай үөрэҕи тэрийии боппуруостарыгар анал итии лииньийэни арыйбыт. Нүөмэрэ – 8-800-100-99-43.
