“Доруобуйа” национальнай бырайыак иитинэн Дьокуускайдааҕы онкология диспансерыгар 2020 сылга анал тэрилинэн хааччыйыыга 299 мөл. солк. биэриэхтэрэ. Бу туһунан доруобуйа харыстабылын министиэристибэтин пресс-сулууспата иһитиннэрэр.
“Сыл бүтүөр дылы диспансерга МРТ-аппараат, гистология лабораторията, ИВЛ атыылаһыллыаҕа”, - диэн иһитиннэриигэ суруллар. Сорторутааҕыта диспансерга киһи этин хайыппакка эрэ абдоминальнай эпэрээсийэни ыытарга видеонэндоскоп комплексын ылан туруорбуттар. “Ити аппараатынан видекамеранан көрөн 3D-визуализация эрэсииминэн эпэрээссийэни оҥороллор, маны таһынан ити комплекска саамай аныгы инновационнай технологиялар киирсэллэр, ол көмөтүнэн уорганнарга хаан эргиирин сыаналыыллар, искэнинэн бүрүллүбүт тканнары кэтииллэр. Уларыйбыт тканнар туһааннаах өҥүнэн сырдыыллар, ону хирург доруобай уорганнары таарыйбакка эрэ ылан быраҕар”, - диэн торакальнай абдоминальнай хирургия отделениетын сэбиэдиссэйэ Владимир Лезенев кэпсээбит. Быйыл маны таһынан диспансер саҥа эндоУЗИ, эспиэрдиир кылаастаах УЗИ аппараатын, анестизиология комплексын уонна электрохирургия аппараатын ылбыт.
