5 мөл. солк. кэриҥэ харчыны коронавирус анаалыһын оҥорор лабораторияларга анал тэриллэри атыылаһалларыгар аныахтара. Бу туһунан Ольга Балабкина кэпсээтэ.
Алтынньы 31 күнүгэр эрэгийиэн бырабыыталыстыбата федеральнай үптэн медиктэргэ көҕүлүүр төлөбүрү биэрэргэ сөбүлэҥи баттаабыт. Маны таһынан, хоруона хамсыгыттан дьиэҕэ эмтэнэ сытар ыарыһахтарга босхо эминэн хааччыйарга эбии 36 мөл. солк. көрүллүбүт. Бу нэдиэлэҕэ туһааннаах эми атыылаһыахтара. 65-тэн үөһээ саастаах дьон дьиэҕэ олороллоро ахсынньы 1 күнүгэр дылы уһаабытынан, бородууктаны, эми тиэрдиигэ волонтердар хамсааһыннарын сөргүттүлэр.
