Бэҕэһээ социальнай ситимнэргэ Сунтаар сэлиэнньэтигэр 58 саастаах эр киһи уота, ититиитэ суох, быраҕыллыбыт дьиэҕэ олорорун туһунан киһи дууһатын хаарыйар видео тарҕаммыта.
Сунтаар улууһун нэһилиэнньэ социальнай харалтатын управлениетыгар быһаарбыттарынан, бу киһи аан бастаан былырыын соцүлэһиттэргэ биллибит. Онтон ыла олохтоох дьаһалтаны кытары аймахтарынан, чааһынай пансионакка эҥин араастаан олордо сатаабыттар эбит Биирдэ приюкка нэһиилэ хайытан киллэрбиттэригэр, киһилэрэ биллибэт биричиинэннн куотан хаалбыт. Бу туһунан управление салайааччыта Георгий Фролов кэпсээбит.
Бэҕэһээ, сэтинньи 2 күнүгэр бу эр киһини чааһынай гостиницаҕа киллэрбиттэр. Георгий Фролов “киһибитин нэһиилэ киллэрдибит, туох да иһин буолуммат”, - диир. Бу киһи хаамаайылыырын сөбүлүүр, куруук көмөттөн аккаастанан бара турар идэлээх эбит. Ити быраҕыллыбыт дьиэҕэ бу киһи ииппит төрөппүттэрэ олоро сылдьыбыттар. Төрөппүттэрэ 20 сыллааҕыта олохтон барбыттар, соҕотох оҕо эбит. Билигин эр киһини медиктэр көрбүттэ, доруобуйата этэҥҥэ, хамсыкка анаалыс ылбыта, ол кэннэ салгыы ханна кыстыырын быһаарыахтара. Уруку кэргэнигэр илдьэ сатаабыттарын, кыккыраччы аккаастаммыт.
