“Полиметалл” тэрилтэ Саха сиринээҕи филиала өрөспүүбүлүкэ мэдэссиинэ тэрилтэлэригэр хоруона хамсыгын бохсорго 5 мөл.солк. кэриҥэ үбү көрүөҕэ. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.
“Бу үбү биэрэрин туһунан хампаанньа салалтата былаастары кытары сөбүлэһэн турабыт. Хампаанньа биэрбит харчытынан Томпо, Дьааҥы киин балыыһаларыгар, Дьокуускай куорат иккис балыыһатыгар уонна мэдэссиинэ профилактикатын өрөспүүбүлүкэтээҕи киинигэр көмө оҥоһуллуо”, - диэн хампаанньа персоналы уонна социальнай боппуруостарга филиал дириэктэрэ Наталья Чепурнова кэпсээбит. Кини этэринэн, көрүллүбүт үбүнэн эми-тому, СИЗтэри уонна тэриллэри, ол иһигэр ЭКГ, кислород концентратын, экспресс-диагностика нобуорун атыылаһыахтара.
