М.К. Аммосов аатынан ХИФУ Мэдэссиинэ института 2021 сылга 375 медиги уһааран таһаарыаҕа.
“Быйыл инстутуту специалитет уонна бакалавриат бырагырааматынан 6 хайысханан 201 киһи бүтэрэр, 40 идэннэн 174 ординатор үөрэҕин түмүктүүр. Сыл ахсын выпускниктарбыт бары сүүс бырыһыан үлэннэн хааччыллаллар уонна исписэлиис бастакы аккредитациятын ааһаллар, ол түмүгүнэн бэҕэһээҥҥи устудьуоннар туоһу суругу ылаллар”, - диэн мединстут дириэктэрэ Николай Гоголев кэпсиир.
Доруобуйа харыстабылын министиэристибэтин каадырга отделын салайааччыта Вера Аржакова 2021/2022 үөрэх дьылыгар биэдэмэстибэ ординатура бырагырааматынан 147 тус сыаллаах миэстэни көрдөөбүтүн этэр. “Тус сыаллаах бырагырааманан ординатураны бүтэрбит быраас дуогабар түһэрсибит балыыһатын кытары хайаан даҕаны 3 сыл үлэлиэхтээх. Бу ординатордар “Земский доктор” бырагыраамаҕа кыттыахтарын сөп, өскөтүн үлэлиир балыыһалара каадырынан 60 бырыһыантан кыраннан хааччыллыбыт буоллаҕына. Биһиги биир бастакыннан Арктика улуустарыгар бу бырагырааманы тарҕата сатыыбыт”, - диир. “Земский доктор” федеральнай бырагыраама чэрчитинэн, тыа сиригэр үлэии барбыт быраас 2 мөл. солк. ылар. Оттон 50 тыһ. тиийбэт нэһилиэнньэлээх куоракка барааччылар – 1 мөл. солк. 2020 сылга сүүсчэ үлэ дуогабара баттаммыт, олортон 49 – арктическэй улуустарга.
