Саха сиригэр 1 тыһ. устудьуоннар тутар этэрээттэрин байыастарыгар анаан үлэни биэрээччилэр сайаапкаларынан эбии үөрэҕи тэрийиэхтэрэ.
Быйыл 400 байыаһы маннык куурустарга үөрэппиттэр. Ахсынньыга 20 байыаһы боруобалаан үөрэтэн саҕалыахтара. Үөрэҕи орто үөрэх кыһалара уонна урутаан идэтийиини биэрэр Киин кыттыһан ыытыахтара. Устудьуоннары электросварщик, штукатур, маляр, каменщик, бетонщик, облицовщик уонна өҥөнү оҥорор идэтийиилэргэ уһуйуохтара. Быйыл хамсыгынан сибээстээн кыраныысса барыта сабыылаах турбут буолан, Саха сиригэр миграннар үлэлии кэлбэккэ, каадыр дефицитэ буолбута. Онуоха устудьуоннары үлэҕэ таһаартаан балаһыанньаттан тахсыбыттара. Быйыл 5,2 тыһ. байыас тутууга, бырамыысалыннас тэрилтэлэригэр, доруобуйа харыстабылыгар уонна суол хаһаайыстыбатын эйгэтигэр үлэлээтилэр.
