Доруобуйа харыстабылын миниистирэ Елена Борисова «Спутник V» уонна «ЭпиВакКорона» хоруона хамсыгын вакциналара туох уратылаахтарын быһаарда.
"Биһиэхэ сүрүннээн "Спутник V" вакцина кэлбитэ. Бу вакцина ойдуга аан бастакыннан бэлиэтэммитэ, маны ордук саастаах дьоҥҥо биэрэр ордук. 18 саастарын туола илик, хат уонна эмтэрэр дьахталларга бу быһыыны биэрэр көҥүллэммэт. Бу вакцина көрүҥэ аденовирус вакцинатыгар олоҕуран оҥоһуллубут. Оттон Саха сиригэр 1200 ахсаанынан кэлбит "ЭпиВакКорона" коронавирус геномнарын 3 чаастарыттан таҥыллан оҥоһуллубут.Билиҥҥитэ бу вакцинаны маассабай вакцинацияҕа туһаммаппыт. Вакцина сааһынан хааччаҕын ыла иликтэр, онон туттунабыт. Бу икки вакцинаны икки төгүллээн биэрэбит, Бастакы вакцинаны -18 краадыска харыйаллар, оттон иккиһин - -8", - диэн Елена Борисова быһаарда. "ЭпиВакКорона" вакцинаны Москубаҕа, Санкт Петербурга, Доннааҕы Ростовка, Тулаҕа уонна Новосибирскайга дьоҥҥо маассабайдык биэрэн саҕалаабыттара.
