Быйыл Амма уонна Үөһээ Бүлүү улуустарыгар онкологическэй көмө амбулаторнай кииннэрин арыйыахтара. Бу туһунан доруобуйа харыстабылын министиэристибэтигэр иһитиннэрэллэр.
"Эрэгийиэннэргэ сыл ахсын хаачыстыбалаах онкологическэй көмөнү оҥорорго үп көрүллэр. Ол курдук, 2019-2020 сс. Дьокуускайдааҕы онкодиспансер 428 мөл. солк. тэрили атыыласпыта. Ити сылларга 51 тэрил кэлэн үлэлээбитинэн барбыт. Быйыл өссө 106 мөл.солк. анал тэрил атыылаһыллыаҕа", - диэн пресс-сулууспа суруйар. Ол курдук, 2020 сылга Дьокуускайдааҕы онкодиспансерга МРТ аппараата, роботтаах морфологическэй лаборатория, видеоУЗИ, эспердиир кылаастаах УЗИ, ведеоэндоскоп комплекса уонна да атын тэриллэр кэлбиттэр. Маны таһынан, кэнники икки сылга 13 улууска амбулаторнай онкология көмөтүн кииннэрэ арыллыбыттар. Былырыын Бһлһһгэ, Ленскэйгэ, Өлүөхүмэҕэ уонна Хаҥаласка маннык киин арыллыбыт. Быйыл Амма уонна Үөһээ Бүлүү улуустарын киин балыыһаларыгар эбии арыллыахтара. "Доруобуйа харыстабыла" национальнай бырайыак иитинэн 18 онкологическэй көмө амбулаторнай кииннээрэ арыллыахтара.
