"Экология" национальнай бырайыак иитинэн быйыл Саха сиригэр 5 нэһилиэнньэлээх пууннарга 25 тыһ. олорор дьону хаачыстыбалаах иһэр ууннан хааччыйыахтара. Бу туһунан ДьУоХХ министиэристибэтин пресс-сулууспата иһитиннэрэр.
Ол курдук быйыл Өлүөхүмэ куоратыгар уонна Бэрдьигэстээххэ ууну ыраастыыр ыстаансыйаны чөлүгэр түһэрии уонна водозабор тутуута барыаҕа, Покровскай куоратыгар ууну ыраастыыр ыстаансыйаны тутуохтара. Ууннан хааччыйыы ситимин Үөһээ Бүлүү сэлиэнньэтигэр уонна Андреевскайга тардыахтара. Өлүөхүмэҕэ уонна Покровскайга үлэ былырыыҥҥыттан саҕаламмыт, Өлүөхүмэҕэ 2022 сылга бүтэриэхтэрэ, оттон Покровскайгы быйыл үлэ түмүктэниэхтээх. Маныаха федеральнай үптэн 1,1 млрд солк. көрбүттэр.
