Саха сиригэр сэллигинэн ыалдьыы сыл ахсын аччаан иһэр. "Фтизиатрия" НПЦ иһитиннэрбитинэн, быылырыын 2019 сылга холоотоххо, сэллигинэн ыалдьыы 36,5% түспүт.
Маны таһынан, сэлликтэн өлүү эмиэ түспүт. Былрыын историческэй кирбии ситиһиллибит — 100 тыһ. нэһилиэнньэҕэ 2,4 тиксибит. Бу — Арассыыйаҕа уонна Уһук Илиҥҥэ саамай намыһах көрдөрүү. Фтизитатрия киинигэр 400 суукканы быһа сытар куойка, ол иһигэр 75 — оҕоҕо аналлаах, 25 күнүскү куойка, 3 диспансер салаата, олортон биирдэһэ — оҕо салаата бааллар. Улуустарга сэллиги бохор сулууспа — 5 суукка устата сытар стационардаах диспансер, 11 күнүскү куойкалаах диспансер, 8 күнүскү уонна суукканы быһа сытар куойкалаах диспансер уонна 10 куойката суох сэллик кэбиниэтэ көрдөрөр.
