"Демография" национальнай бырайыак иитинэн Саха сирин былаастара 2021 сылга оҕолордоох дьиэ кэргэттэри өйүүргэ 5 млрд солк. кэриҥэ үбү биэриэхтэрэ.
"Бу сылга "Оҕо төрөөтөҕүнэ үбүнэн көмөлөһүү" федеральнай бырагыраама иитинэн 5 млрд солк. кэриҥэ харчыны биэриэхтэрэ, ити былырыыҥҥытааҕар 1,4 төгүл үрдүк. Маннык көмөнү 16 тыһ. дьиэ кэргэн ылыаҕа", - диэн минтруд иһитиннэрэр. Министиэристибэҕэ эппитэринэн, бу иннинэ маннык көмөнү 1,5 саастарыгар дылы оҕолоохтор ылаллара, оттон билигин үс саастарыгар дылы ылар буолуохтара. Былырыын 13 тыһ. дьиэ кэргэн маннык көмөннөн туһаммыт. Быйыл уопсайа "Демография" национальнай бырайыагы олоххо киллэриигэ 6,5 млрд солк. көрүллүбүт.
