Олунньу 18 күнүнээҕи туругунан, Саха сиригэр 57 киһи эбии коронавирустаабыта биллибит. Бу туһунан хамсыгы бохсор суһал штаб иһитиннэрэр.
Ол курдук. киин куораппытыгар 24 киһи ыалдьыбыт. Мииринэйгэ — 7, Нерюнгрига — 6, Аллараа Халымаҕа, Өймөкөөҥҥө, Орто Халымаҕа, Томпоҕо, Уус Майдаҕа — иккилии киһи, Алдаҥҥа, Дьааҥыга, Бүлүүгэ, Кэбээйигэ, Мэҥэ Хаҥаласка, Намҥа, Өлүөхүмэҕэ, Уус Алдаҥҥа, Хаҥаласка, Чурапчыга биирдии киһи ыалдьыбыт. Суукка устатыгар Саха сирин дабораториялара 2095 анаалыһы чинчийбиттэр, уопсайа хамсык туруоҕуттан 951577 маннык анаалыс ыытыллыбыт.
Олунньу 18 күнүнээҕи туругунан, Саха сиригэр 49712 вакцина дозата кэлбит. Билигин өрөспүүбүлүкэҕэ 44 эмтиир тэрилтэҕэ быһыыны биэрэллэр, онно 156 быһыыны биэрэр пуун тардыллыбыт, 110 мобильнай биригээдэ үлэлиир. Вакцина бастакы түһүмэҕин 29049 киһи ылбыт, ол иһигэр суука устатыгар 1509 киһиэхэ быһыыны биэрбиттэр. Иккис вакцинаны 12038 киһи ылбыт (ааспыт сууккаҕа 2359).
