Нэһилиэнньэ дьарыктаах буолуутун киинин судаарыстыннай кэмитиэтин пресс-сулууспата иһитиннэринэн, 2020 сыл түмүгүнэн «Олохтоох каадырдар – бырамыысылыннаска» бырайыак бастыҥ кыттааччытынан «Селигдар көмүһэ» тэрилтэ биллэрилиннэ.
Маннык үрдүк көрдөрүүнү тэрилтэ олохтоох дьону үлэҕэ ылыыга үрдүк көрдөрүүтүнэн, эдэр саҥа саҕалаан эрэр үлэһиттэргэ кыаҕы биэрэллэринэн, стажировкалары тэрийэллэринэн уонна үлэтэ суох дьону профессиональнай үөрэтии куурустарын кэнниттэн дьарыктаах буолуу киинин хайысхатынан харыыта суох ылалларынан ситиспит. « Хампаанньа бу анал бырайыак туох баар ирдэбиллэрин толору толордо”, – диэн бэлиэтииллэр. Иккис миэстэ «ЯТЭК» тэрилтэҕэ тигистэ. Үһүс бочуоттаах миэстэҕэ – чоҕу хостуур «Колмар» тэрилтэ. 2020 сылга бырайыак иһинэн 7,8 тыыһынча өрөспүүбүлүкэ олохтооҕун бырамыысылыннас эйгэтигэр үлэҕэ ыллылар. Бырайыакка уопсайа 39 тэрилтэ кытынна.
