Кулун тутар 15 күнүнээҕи туругунан, Саха сиригэр эбии 30 киһи коронавирустаабыт. Бу туһунан брифинг кэмигэр Ольга Балабкина кэпсээтэ.
Киин куораппытыгар 20 киһи ыалдьыбыт, Чурапчы улууһугар – 5, Мииринэйгэ – 2. Биирдии киһи Бүлүү, Горнай, Нерюнгри улуустарыгар ыалдьыбыттар. Суука устатыгар 870 коронавирус анаалыһын чинчийбиттэр. Хамсык саҕаланыаҕыттан 987281 анаалыһы оҥорбуттар. Чурапчы улууһугар 6 нэһилиэккэ дьон ыалдьыбыт. Бүлүү уонна Горнай улуустарыгар балаһыанньа кытааппыт. Бүгүҥҥүттэн тастан ыарыыны аҕалыы эмиэ бэлиэтэнэн эрэрин Ольга Балабкина тоһоҕолоото, онон Саха сирин олохтоохторун сэрэхтээхтик сылдьалларыгар уонна вакцинаны түргэнник ылалларыгар ыҥырда.
