Ааспыт сууккаҕа өрөспүүбүлүкэҕэ эбии 28 киһи хоруона хамсыгар хаптарбыттара билиннэ. Бу туһунан брифинг кэмигэр Ольга Балабкина иһитиннэрдэ.
"Дьокуускайга 18 киһи ыалдьыбыта бигэргэннэ. Бүлүү, Ленскэй, Ньурба, Уус Алдан улуустарыгар иккилии киһи ыалдьыбыт Оттон Муома уонна Хаҥалас улуустарыгар — биирдии", - диэн Ольга Валерьевна иһитиннэрдэ. Суукка устатыгар Саха сирин лабораториялара 1606 ковид анаалыһын чинчийбиттэр. Хамсык саҕаланыаҕыттан уопсайа 999512 маннык тест ыытыллыбыт.
Нэһилиэнньэни маассабайдык быһыылааһын ыытылла турар, уопсайа 156 пуун уонна 110 мобильнай биригээдэ тэриллэннэр быһыыны туруораллар. Бастакы вакцинаны 55600 киһи ылбыт, иккиһи — 47875.
