Бүгүн, кулун тутар 24 күнүгэр, күнүс 13:34 ч. Эдьигээн сэлиэнньэтигэр Уваровскай уулуссатыгар икки этээстээх мас дьиэҕэ баһаар буолбутун туһунан иһитиннэрии киирбит.
Баһаары умуорааччылар 6 мүнүүтэннэн тиийбиттэригэр, биир кыбартыыраттан хойуу хара буруо тахса турбут. Умайбыт кыбартыыраттан икки киһини таһаарбыттар,хомойуох иһин, биир киһи өлбүт. Билигин баһаары 20 киһи, 3 тиэхиникэ умуллара сылдьар.
Санатар буоллахха, бэҕэһээ Уус Алдан Бороҕонугар икки этээстээх чааһынай дьиэҕэ уот туран 2018 сыллаах төрүөх оҕону илдьэ барбыта.
