Дьокуускай куораттааҕы быыбардыыр хамыыһыйа түүн 02 ч. дааннайдарынан, Дьокуускай баһылыгын быыбарыгар Евгений Григорьев 44,09 бырыһыаны, оттон кини сүрүн утарсааччыта Виталий Обедин — 39,87 бырыһыаны ылбыттар.
Оттон хомуньуус Савва Михайлов 11,29 бырыһыаны ылбыт. Бүгүн сарсыарда саҥа мээр бастакы нэдиэлэтээҕи мунньаҕын ыытта.
"Барыгытыгар эҕэрдэҕит иһин махтанабын. Куорат олохтоохторо биһиэхэ биэрбит итэҕэллэрэ - улахан эппиэтинэс. Эһиэхэ күүстээх үлэҕит иһин махтанабын. БКАД (куттала суох айан суоллара) национальнай бырайыагынан, үс сыллааҕы көҕөрдүү, тупсарыы бырагыраамаларынан бу нэдиэлэҕэ улахан мунньаҕы тэрийиэххэ наада. Көҕөрдүүгэ үлэлэһэр ыстаап ааспыт сыллардааҕы ыстатыыстыкаҕа, төһө үүнээйи олордуллубутугар, онтон төһөтө тыыннааҕар, хайдах харайбыттарыгар улахан болҕомтону ууруҥ. Уопсасыбаннай туалеттары элбэтиигэ болҕомто ууруллуоххтаах, онно стационарнай буолбатах эбийиэктэри коммуникацияҕа хайдах холбууру быһаарыахха наада. Ичигэй тохтобуллар ханна, хаһан баар буолуохтаах былааннарын ууруҥ. Барыгыгытагар ситиһиилээх үлэ ниэдэлэтин", - диэн саҥа талыллыбыт мээр эттэ.
