Муус устарга, Саха сирин 15 ыраах сытар оройуоннарыгар 46 тыһыынча киһини биэрэпистиир былаан турар диэн иһитиннэрдилэр Сахастат тэрилтэтиттэн.
Аллайыаха, Анаабыр, Булууҥ, Эдьигээн, Муома, Аллараа Халыма, Орто Халыма, Усуйаана улуустарыгар бүтүннүү саҥаттан биэрэпискэ хабыллыахтара. Оттон Горнай, Өлөөн, Эбээн-Бытантай улуустарыгар биэрэпис сорох нэһилиэнньэлээх пууннарга эрэ барыаҕа.
Кулун тутарга Сахастат исписсийэлиистэрэ оройуоннааҕы статистика отделларын салайааччыларыгар, биэрэпискэ боломуочунайдарга, сиргэ-уокка сылдьан хонтуруоллуур дьоҥҥо анаан, биэрэпискэ бэлэмнэнэр сэминээр үлэтин ыыттылар.
Муус устар ыйга биэрэпис ыытыллыахтаах нэһилиэнньэлээх пууннарыгар бары өртүнэн бэлэмнэр: анал дьиэ-уот, үлэлиир персонал талылынна. Блаанкалар, экипировка, бартыбыаллар, биэрэпиисчик уонна тус бэйэни харыстанар анал көмүскэнэр маллар улуустарга кэмигэр тиэрдилиннилэр.
Сахастатка бэлиэтээн эппиттэринэн, Бүтүн Арассыыйатааҕы нэһилиэнньэ биэрэпиһэ сүрүн кэрдииһэ – 2021 сыл, балаҕан ыйыгар буолуоҕа.
