Элбэх оҕолоох дьиэ кэргэн үрдүк үөрэххэ туттарсар ыччаттарыгар, уопсай тэҥ усулуобуйанан куонкуруска киирсэллэрин таһынан, ордук чорботуу быраабын биэрэри былаанныыллар, өскөтүн кинилэр үчүгэйдик эксэээмэннэрин туттардахтарына. Маннык сокуон бырайыагын, (№990282-7) муус устар 14 күнүгэр, үөрэхтээһин уонна билим Судаарыстыбыннай Дууматын Кэмитиэтин бастакы ааҕыытын иннигэр дьүүллэһэргэ былааннаатылар, диэн иһитиннэрэр «Парламенскай хаһыат»
Уларыйыылар «Арассыыйа Федерациятын үөрэхтээһинин туһунан» Федеральнай сокуонун 71 ыстатыйатыгар киириэхтээхтэр. Федерация Сэбиэтин вице-спикера Галина Карелова итиэннэ сенатордар Инна Святенко уонна Елена Бибикова элбэх оҕолоох дьиэ кэргэттэр үөрэххэ туттарсар ыччаттарыгар, үөрэх тэрилтэлэригэр бакалавриат уонна специалитет бырагырааммаларынан киирэллэригэр чорботор быраап биэрэргэ этии киллэрдилэр, өскөтүн биир тэҥ усулуобуйаҕа киирии эксээмэннэри үчүгэйдик аастахтарына. Ол бэрээдэгин Бырабыытылыстыба олохтуоҕа.
«Өскөтүн икки үөрэххэ туттарсааччылар тэбис-тэҥ баал ахсаанын ыллахтарына, үрдүк үөрэх биирдэстэрин эрэ ылар бырааптаах, маннык түгэҥҥэ үөрэх кыһата – элбэх оҕолоох ыал ыччатын талар буолуоҕа» - диэн эрдэтинэ быһаарбыта Елена Бибикова.
Сокуон бырайыагар миниистирдэр кэбиниэттэрэ сөбүлэҥин биэрдэ.
